INTRODUCIÓN

   Por que estudar a historia da vestimenta? A priori pode parecer un tema superficial, pouco adecuado para analizar na aula, insubstancial e falto de seriedade. Porén, valourouse que o seu estudo permitiría ao alumnado de 1º de BAC profundar na evolución histórica das sociedades. E que mellor que aproveitar os recursos estéticos da arte e da literatura, máis próximos a eles e visualmente máis cercanos á súa realidade virtual.

   O certo é que hoxe en día a moda co predominio do mundo dos influencers, forma parte da súa cotidianeidade, e tentábase  captar o seu interese no  estudo da sociedade e da vestimenta desde un punto de vista histórico. Así, descubriron que a 

a liberdade á hora de vestir, que eles tanto valoran, é froito da sociedade e da época na que viven e que ten a súa orixe nos procesos revolucionarios que derrubaron o Antigo Réxime. Sen embargo, noutras épocas o nacemento e o grupo social condicionaban até o atuendo que se podía levar; e que do mesmo xeito que na actualidade son as actrices, os cantantes e os futbolístas quen marcan que está in e out na moda, en períodos anteriores eran os monarcas, reis e raíñas, os que ditaban que se debía ou podía poñer, que cores e telas usar, e que esa influencia deviña do poderío social, cultura e/ou militar de cada territorio.